40 retratos de nais

Como eran as nais de Picasso, Frida Kahlo, Touluse-Lautrec, Van Gogh e Rembrant; servíronlle de inspiración aos seus fillos?

No libro “40 grandes artistas retratan a sus madres” de Juliet Heslewood na editorial Blume recompilan os retratos das nais de grandes mestres da pintura.

En “Pel con pel” da editorial Galaxia e Fedelgama preséntanse 40 suxestivas fotografías de nais aleitando aos seus fillos/as acompañadas dos textos de recoñecidos escritores e escritoras galegas coma Francisco Castro, Marta Dacosta ou Dolores Tembrás.

Ver_mirar_pensar_contar XXIII

Dous hábitos a potenciar: a lectura e o coidado das plantas, cun proceso vital semellante. Fotografía de Koshi Kawachi da serie “Manga farming”.

Onde les e como les?

A FGSR vén de pór en marcha a acción Dónde lees tú, na que, coa finalidade da promoción da lectura, recollen “leotestimonios”, documentos e imaxes nas que se fixan nas persoas que len, nos seus lugares, en se o fan sos ou con outros, a quen lle len ou quen lles le, etc.

Gustounos tanto a iniciativa que, de cara ao Día do Libro, imos facer algo similar; solicitarémoslle ás familias do alumnado que nos envíen fotografías de momentos de lectura dos seus fillos e fillas; con todas elas prepararemos unha exposición acompañadas dun pequeno pé de foto no que cadaquén explicará cando le, porque lle gusta ese lugar e esa postura.

Para inspirarnos, vía Nosololibros, vemos o vídeo do espectáculo de danza e acrobacia “Traces”, da compañía Les 7 doigts no que adoptan posturas de lectura inimaxinables e inverosímiles. De seguro que na nosa exposición tamén veremos algunhas imposibles pero cómodas para o lector ou lectora.

O onde e o como tamén importan e inflúen moito.

Ver_mirar_pensar_contar XXII

Impresionante colección de fotografías “Human flowers”, de Cecelia Webber, algunhas das cales podemos ver neste vídeo.

 

Día dos Dereitos do Consumidor

Vimos estas impactantes imaxes nalgún dos nosos blogs de referencia, Trafegando Ronseis e Nosololibros, e reservámolas para unha data coma hoxe. Non tanto para amosarlle ao noso alumnado senón para velas as persoas adultas que somos, realmente as “culpables” de que suceda o que Dietrich Wegner denuncia coas súas obras.

Ver_mirar_pensar_contar XX

Podería ser unha fermosa imaxe de arte dixital, pero é un complexo celular. Gary Carlson é un artista norteamericano especializado en visualizacións médicas e biolóxicas para farmacéuticas e revistas especializadas.

Ver_mirar_pensar_contar XIX

Esculturas de lápices de Jennifer Maestre.

Ver_mirar_pensar_contar XVIII

Ideas para reutilizar a roupa de forma artística, no blog Object bis.

Ver_mirar_pensar_contar XVI

Para falar da tala de árbores no Nadal.

Metemos as árbores nas casas ou as casas nas árbores?

Ver_ mirar_pensar_contar XV

 

Como días atrás fixemos as nosas plantacións de bulbos, que pasaría si…? A quen lle atenderemos as necesidades, ao libro ou á planta?

Ver outras fotografías no proxecto Gartenkultur.

Mirar_ver_pensar_contar XIV

 En días de nevaradas, unha fotografía de Olivier Dolbeau da serie “París, rien que l´invisible”.

Ver_mirar_pensar_contar XII

Escenario da ópera “La Boheme” de Puccini no Lago Constanza no 2002.  Publicadas en The Telegraph.

Ver_mirar_pensar_contar XI

Da serie Pet Cloud de Michael CasKer.

 

MirArte

Engadimos unha nova categoría ao blog chamada MirArte, nela recolleremos tan só as imaxes que empregamos na clase co noso alumnado. Unha vez á semana, proxectamos unha imaxe, para ver-mirar-pensar-contar. O noso alumnado xa coñece todos os pasos. Precisamos este proceso para afondar na compoñente discursiva e narrativa das imaxes. Logo, si xurde comentamos, ou inventamos, ou cuestionamos, ou tan só calamos. Non é preciso sometelos a unha batería de preguntas. Tan só queremos “expoñelos” a imaxes suxestivas, provocadoras, irreais, belas…
As imaxes teñen unha linguaxe, transmiten mensaxes, configuran a nosa cultura e moitos dos nosos valores, polo que consideramos preciso coñecer a súa natureza, significación, funcionamento e posibilidades. Non pode existir unha capacidade crítica cando se carece dos códigos para comprender.
O noso alumnado, antes de aprender a ler a e a escribir, ve imaxes, consume imaxes –non nos atreveriamos a dicir que aprenden a ver imaxes- porén consideramos preciso realizar unha alfabetización visual. A linguaxe icónica ten que ser aprendida e ensinada, motivo polo cal facemos este traballo, ao que lle dedicamos un tempo específico,consideramos que non chega con dicir “xa ven imaxes a todas horas”,debe ser sistematizado.
Cada vez que introduzamos unha entrada de Ver_mirar_pensar_contar,-ao igual que facemos co alumnado-, non engadiremos máis nada, non queremos condicionar a primeira impresión; cadaquén tiraralle o proveito que queira.

Ver_mirar_pensar_contar X

A quen esperan?

Da serie England to Spain de Steven Wholwender.

Ver_mirar_pensar_contar IX

Son reais?

Da serie Santorine de Suresh Natarajan.

Ver_mirar_pensar_contar VIII

Que pasará dentro?

Da serie Marseille Provence de Laure Anne Kayser.

Ver_mirar_pensar_contar VII

Da serie Liquid Art de Michael Dykstra.

Ver_mirar_pensar_contar VI

Entran ou saen?

Da serie Water Moves de Klaus Kampert.

Ver_mirar_pensar_contar V

Que me contas?

Da serie Advertising de Jonathan Chapman.

Postais de outono

 Coa aula chea de froitos do outono decidimos facer as nosas postais outonais. Tralo aproveitamento de todos estes elementos para coñecer, tocar, palpar, ulir, saborear, comparar, facer estimacións, pesar, adiviñar ou degustar, quixemos crear composicións de marcado carácter artístico. Cadaquén selecciona os elementos que quere –froitos, follas, flores-, elixe o fondo sobre os que se colocan, e a forma na que isto se fai. Unha vez rematado o “bodegón”, hai que poñerlle título, e logo fotografamos. Velaí van os resultados, cunha estética moi persoal.

Máis tarde empregaremos a presentación elaborada con todas as imaxes para amosar aos compañeiros/as do centro. Noutras ocasións empregarémolas para felicitacións, tarxetas, invitacións, calendarios, catálogos, etc. coas que, unha vez impresas, agasallaremos ás familias e amizades. O seguinte paso: pedirlle ás familias que nos fagan as súas reportaxes fotográficas do outono. Todo ilo, pasará a formar parte da carpeta informática de cada alumno/a, á que poderán acceder sempre que queiran.

Ver_mirar_pensar_contar IV

Que pasou?

Da serie Wexner Center for the Arts de Brad Feinknopf.

Ver_mirar_pensar_contar III

Da serie Nature de Kristin Nikolai.

Ver_mirar_pensar_contar II

Que será?

Da serie fotográfica Mind-blending de Stella Ananieva.

Fotógrafos de la Naturaleza 2010

Para todas as que andades a organizar visitas escolares a Compostela, na Fundación Caixanova, e ata o 23 de maio, hai unha magnifica exposición de fotografías da vida no planeta Terra: “Fotógrafos de la Naturaleza 2010”. Todos os anos a revista BBC Wildlife e o Museo de Historia Natural de Londres promoven o máis prestixioso certame mundial de fotografía sobre a natureza; as imaxes expostas son froito do concurso deste ano.

Pódese completar coa visita á exposición dos fondos da colección de arte Caixanova. Pódese ver neste vídeo.

Tanto na páxina de Wildlife como na do Museo de Historia Natural, atópanse fotografías e vídeos moi interesantes sobre a vida no planeta: aves, bolboretas, dinosauros e tamén sobre como traballan os científicos deste museo.

Paisaxes para comelas

Carl Warner, fotógrafo británico, constrúe escenarios con todo tipo de alimentos;  embutidos, distintos tipos de pan, xeados, peixes, verduras, legumes, froitos do bosque…, convértense en praias, fervenzas, montes, pradeiras, etc. Él seica nin así consegue que os seus fillos coman a froita, verdura e peixe. Podemos probar, ao mellor axúdanos cos “reticentes”. Os vídeos  ben merecen a visita, de seguro que os veremos máis dunha vez, porque coa primeira quedamos tan impactados que non apreciamos os detalles. Noutro apartado ten ata bandeiras con hortalizas