A nosa achega á educación infantil

Archive for the ‘VisionArte’ Category

Antía Cal, a palabra xusta

In ActualizArte,VisionArte on 30/11/2015 at 22:15

Témoslle un grande afecto a Antía Cal, motivo polo que nos alegramos de saber que se fixo un documental sobre a súa visión e traxectoria no eido da educación dos nenos e das nenas, que leva por título “Tita, a palabra xusta”. Presentouse a finais de novembro en Muras, o seu lugar de nacemento, onde é coñecida como Tita a do Mesón.

Nesta ligazón, pódese acceder a unha moi recente entrevista que lle fixeron no programa ZigZag diario da  TVG co gallo do documental dirixido por Miguel Piñeiro.

Sempre pensamos que a Antía Cal non se lle agradece dabondo a labor que desenvolveu pola modernización da educación galega, establecendo lazos con institucións como Rosa Sensat, introducindo o inglés nas aulas sen que isto lle restara espazo ao galego, fomentando a participación real das familias no proceso educativo, e sobre todo salientando a cultura galega.

Desde aquí , xa falamos en varias ocasións sobre a entrañable e afoutada Tita:

-con motivo da presentación do seu libro “Este camiño que fixemos xuntos” publicado na Editorial Galaxia no 2006, co limiar de Xesús Alonso Montero, do que recomendábamos a súa lectura;

-do recoñecemento á súa labor, co Premio Trasalba no 2012 , para o que a Fundación Otero Pedrayo editou o libro Antía Cal. Sementar no futuro“;

coa entrevista que lle fixeron desde o programa Preescolar na casa, na CRTVG no 2012;

-coa entrevista que lle fixo Gena Borrajo para a revista EDUGA 50, “Antía Cal Vázquez: unha vida de superación“.

Cremos que todo o profesorado debería saber dela e do seu legado…, mágoa que non sexa tema de oposicións, que parece que é o que lle dá “transcendencia” aos pedagogos e as escolas (entre as que nunca están as galegas).

“Enséñame, pero bonito”

In VisionArte on 16/03/2015 at 07:23

 Nun momento no que o actual modelo de escola está sendo cuestionado, no que xa hai institucións educativas que queren seguir outros sistemas de ensino-aprendizaxe saíndo dos perniciosos círculos dos estándares, indicadores, avaliacións, exames, deberes, etc., é bo coñecer outras posibilidades, como as que se realizan en diferentes escolas alternativas.

No documental “Enséñame, pero bonito”, podemos escoitar os argumentos de profesionais da educación que pensan nunha escola distinta, más centrada nos nenos e nenas ca nas necesidades da sociedade.

Sempre se agradece que o cinema aporte o seu gran de area á innovación educativa, máxime cando os programas televisivos e os filmes están cheos de exemplos de modelos educativos absurdos e estereotipados nos que os clichés  profesor-alumno tan pouco favorecen a consideración do feito educativo.

Este documental parte dunha iniciativa de crowdfunding, para a que se presentaron as gravacións realizadas en tres escolas de pedagoxía alternativa en Perú, para logo estender o proxecto con entrevistas a responsables de escolas similares en España. En palabras da directora do documental, Sara Moreno,
El objetivo del documental Enséñame pero bonito es presentar alternativas educativas eficaces para la formación integral de los/as niños/as. Es nuestra aportación para trabajar por una renovación pedagógica, que parte de pensamientos críticos, experiencias reales y que se desarrolla en y para la libertad. Queremos pues, mostrar y promover la reflexión sobre la pedagogía que conocemos y con la que aprendimos a multiplicar y leer. Ayudar a cuestionarnos si fue la más eficaz y si existen otras maneras más respetuosas y actuales. Este trabajo muestra experiencias educativas que motivan la reflexión profunda sobre el concepto de Escuela.

Ao longo das diferentes entrevistas veremos como hai modelos tan diversos de escola alternativa como diversos son os nenos/as. No que coinciden todos os participantes é que a actual escola, como tal, está obsoleta e non é respectuosa cos intereses e desenvolvemento dos nenos. Tamén se incide moito na legalidade destas iniciativas, todas elas privadas, malia que non por iso elitistas.

Nesa liña, xa falamos noutras ocasións sobre a rede Reevo, unha plataforma web centrada na educación alternativa, na que activistas de Reevo van describindo e mapeando todas as escolas alternativas que se coñecen en distintos lugares do mundo.

Homeschooling, unschooling, pedagoxías alternativas, son diferentes posibilidades que tamén se apuntan e sobre as que poderemos saber máis no blog da xurista e nai unschooler, Laura Mascaró.

Ao noso entender, este documental debería ser visto en grupos docentes, equipos varios e claustros escolares, para dar pé a un posterior debate sobre o que estamos a facer polas criaturas, pola escola e pola sociedade.

Cada tempo, cada sociedade, cada grupo humano, precisan dunha escola na que medrar. Para nós, aquí chegou o momento de dar un xiro, xa que ir máis aló no modelo actual non conduce a nada enriquecedor.

Clásicos con ritmos actuais

In MusicArte,VisionArte on 10/06/2013 at 06:30

Hai cancións infantís que son son clásicos que perduran malia o paso do tempo. Agora podemos atopalas en 3D e “remasterizadas” con ritmos máis actuais en El Reino de María Elena Walsh.





1 ano dun bosque

In EncienciArte,VisionArte on 20/03/2013 at 20:16

Vía Microsiervos coñecemos o vídeo Forest Year, no que en menos de 3 minutos nos mostran os cambios acaecidos nun bosque ao longo de 15 meses mediante 40.000 fotografías.

Magnífico material para explicarlle ao alumnado o tránsito das estacións e os seus efectos na natureza.

O mercado e Banana Phone- María FumaÇa

In VisionArte on 07/10/2012 at 10:58


Os contos do camiño

In ContArte,VisionArte on 18/05/2012 at 14:43

Os contos do camiño“, é unha serie que consta de 26 capítulos de 10 minutos de duración e está dirixida a un público de 3 a 7 anos. Cada capítulo corresponde á adaptación dunha historia tradicional ou contemporánea publicada en forma de álbum ilustrado por OQO editora.

Pódese acceder a todos eles desde o web da CRTVG.

1. A incrible historia da nenapaxaro e o neno terrible
2. Bebé Bigotes
3. Os sete cabritos
4. E que podo facer eu?
5. Fiz o coleccionista de medos
6. A bruxa regañadentes
 7. A cousa que máis doe do mundo
8. A pota que trota
9. A princesa do Caurel
10. A viaxe das bolboretas
11. Chocolata
12. Corre, corre cabaciña
13. Un gato na árbore
14. A grande viaxe
15. Lobo feroz
16. Mister corvo
18. Pedra, pau e palla
19. Rato Tom e Rata Tomasa
20. A tartaruga que quería durmir
21. O día en que a mamá se lle puxo cara de teteira
22. Tres desexos
23. Tres osos
24. Sal e azucre
25. O sultán e os tres ratos
26. Ollo brusco

Pete the cat

In MusicArte,VisionArte on 28/02/2012 at 08:24

Grazas á especialista de inglés do centro no que traballamos, coñecemos a “Pete the cat”, un gato que deseguido engaiola a nenos e nenas, obra de Eric Litwin (Mr. Eric), un polifacético artista mestura de músico, escritor e actor, que a máis de escribir, dá concertos e cursos por toda América, con programas que axudan a nenos e pais a desenvolver as súas potencialidades creativas, musicais e motrices.

O primeiro libro que publicou foi, “Pete the cat. I love my white shoes”, logo “Rocking in my school shoes”, ambos se acompañan de cancións moi pegadizas e cheas de ritmo para os pequenos.

Salvar el planeta: dieta equilibrada

In VisionArte on 17/11/2011 at 11:56

Salvar el planeta: quentamento global e contaminación do tráfico

In VisionArte on 17/10/2011 at 11:41

Salvar el planeta: consumo de auga

In VisionArte on 17/10/2011 at 11:34

Salvar el planeta: reducir uso bolsas de plástico

In VisionArte on 17/09/2011 at 11:36

Salvar el planeta: lámpadas de baixo consumo e aforro de enerxía

In VisionArte on 17/06/2011 at 11:39


Salvar el planeta: reciclaxe de residuos e plásticos

In VisionArte on 17/05/2011 at 11:43

Circo dos caracois

In EncienciArte,VisionArte on 25/03/2011 at 08:01

Bave Circus from DuDuF on Vimeo.

Primavera e aparición dos caracois é algo común. Aos cativos gústanlle moito, por iso proxectámoslle este vídeo dun circo singular no que os caracois realizan actuacións extraordinarias.

Para extraer conclusións interesantes sobre o afán de posuír e a vaidade, “A casa máis grande do mundo” de Leo Lionni en Kalandraka, cóntanos as desventuras dun pequeno caracol que quería ter a casa máis grande que se viu nunca.

Los días de la semana

In VisionArte on 17/10/2010 at 21:57

A escola das areas

In AlfabetizArte,EmocionArte,VisionArte on 21/06/2010 at 00:03

 

“Animación en plastilina, baseada nun texto de Frei Martín Sarmiento. Frei Martín Sarmiento vén a Pontevedra para buscar un remedio para a varicela. Alí discute cun mestre sobre a necesidade de lles ensinar aos nenos o galego. Para demostrar a súa tese en favor do noso idioma, Sarmiento aposta que pode ensinarlle a un rapaz, Alfonsiño, a ler e escribir en tres días co seu propio método educativo. “

Curta do ano 2002, de Virginia Curiá e Tomás Conde, producida por Algarabía Animación. Pódese ver en Flocos TV.

Para pensar un pouco na lingua na lingua materna, a do berce, a dos arrolos, a das primeiras palabras … , sexa a que sexa.

Preme sobre  a imaxe para ver a curta.

Preguntas hermosas

In EmocionArte,VisionArte on 21/06/2010 at 00:03

Queremos pechar este ciclo cun agasallo para nós, para as persoas adultas. Unha fermosísima curta de animación titulada “Preguntas Hermosas”. Unha historia sobre o tempo compartido por dúas persoas, narrado mediante unha combinación do “Poema X” de Pablo Neruda e “Under the Harvest Moon” de Carl Sandburg. Un recordo, unha perda e a aceptación son as tres partes que integran o vídeo da axencia Süperfad. Recoméndase visionalo en alta definición.

Hai que velo varias veces para poder apreciar todo lirismo das imaxes.

Preguntas fermosas sen resposta.

Ioga para nenos

In EmocionArte,VisionArte on 15/06/2010 at 21:36

O ioga é unha técnica oriental cuxa práctica é moi beneficiosa para a saúde, xa que axuda a relaxarse e liberar a tensión, favorecendo o control do corpo. Xeralmente é practicada por persoas adultas, pero tamén se están a comprobar as vantaxes da realización de certos exercicios polos nenos e polas nenas.

Practicar o ioga, como se dun xogo se tratara, pode axudar aos pequenos a tranquilizarse cando están inquedos; a aumentar a súa capacidade de atención e de receptividade, e a diminuír a súa agresividade. Está comprobado que o ioga facilítalles a respiración profunda e a arte de relaxarse.

Nós non somos grandes coñecedoras das posturas do ioga, nin o pretendemos, tan só, o realizamos como un xogo, como unha actividade máis, sen forzalos a repetir os exercicios unha e outra vez, xa que isto pode ser ben aburrido.

Empregamos este divertido vídeo para introducilos nesta práctica milenaria. Supoñemos que ninguén se preguntará por que a estas alturas do curso falamos de técnicas de relaxación.

Ópera para nenos

In MusicArte,VisionArte on 09/05/2010 at 08:07

Hoxe, 9 de maio, celébrase o Día da Ópera, os teatros e auditorios abren as súas portas ou saen á rúa para que todo o mundo poida desfrutar dela. Certamente é un xénero pouco tratado ou escoitado en infantil, poida que nos pareza demasiado complexo, ou poida que aínda non lle “tocara” o seu momento. Materiais e posibilidades non faltan. Tan só se trata de probar unha vez e de seguro que repetiremos.

Facilitamos un vídeo de animación coa aria de Verdi- Traviata –Choeurs des Bohèmiens, de “L´Opèra imaginaire”, intepretado por Le Coro dell’Accademia di Santa Cecilia de Rome. Realizado por Gionne Leroy, realizador e animador, de l’école de la Cambre.

Excelente material para facer un primeiro achegamento á ópera.

Algunhas editoriais xa teñen publicados álbums nos que tratan de abrir este xénero aos nenos e nenas. Destacamos da colección “Ópera para nenos” da editorial Kalandraka, cos seguintes títulos:

-“A frauta máxica” de Mozart; “Aida” de Verdi; “O elixir do amor” de Donizetti; unha ópera bufa;  “Turandot” de Puccini;  “O barbeiro de Sevilla”de Rossini;  “Orfeo e Euridice” de Gluck; “Porgy and Bess” de Gershwin.

Accidentes infantís no fogar

In InformArte,VisionArte on 06/05/2010 at 21:00

No ano 2008 a Consellería de Sanidade en colaboración coa de Educación e O.U. puxo en marcha un proxecto de prevención de accidentes infantís no fogar. Na comunidade galega os accidentes domésticos son a primeira causa de mortalidade infantil en menores de 14 anos. Segundo estudos realizados nos oito complexos hospitalarios galegos, o 5,2% dos preto de 13.000 menores faleceron e un 40% sufriu secuelas tras un accidente caseiro. Un 70% dos accidentes son na cociña, o 20% no cuarto de baño e un 5% no garaxe.

A curiosidade infantil é un factor de risco polo tanto cómpre extremar as precaucións. Con tal fin desenvolveuse o proxecto “E por que?”, no que a través de 50 breves capítulos dunha serie de animación en plastilina realizado pola produtora Continental, o gato Tolo, advertía de todos estes potenciais perigos.

O CD cos 50 capítulos xunto co proxecto educativo foron remitidos a todos os centros educativos e tamén se puxo a dispoñible a través do portal de contidos educativos. Pódense atopar en Youtube.

Os pegamentos — As máquinas de barbear Os alfinetes —  O sol — Os petardos — O isqueiro — A cheminea — O radiador — As cremas cosméticas — O chan mollado — As esquinas de mobles — O microondas — A auga quente — Os electrodomésticos no baño — O forno — As mesas de vidro — O martelo — A serra — As pilas e baterías — Os dardos — As bebidas alcohólicas — As pílulas — As bolsas de plástico — Os coitelos — Onde sentar — Os enchufes — As portas — O xeo — O pasamáns — As cociñas — O batedor — Os medicamentos — As tesoiras — O cristal — Os caixóns — Ferramentas de traballo — Cociñar — Os animais — Os electrodomésticos — As cordas — Recoller — A electricidade — Os líquidos — As ferramentas — As ventás — Os mistos — Obxectos punzantes — Os xoguetes no chan — As coitelas — As alturas

Música galega

In VisionArte on 19/03/2010 at 11:28