A nosa achega á educación infantil

Posts Tagged ‘libros’

As 10 librarías máis fermosas do mundo

In InformArte on 18/04/2010 at 23:27

Con motivo do Día do Libro, quixemos coñecer as mellores e máis fermosas librarías do mundo segundo The uardian, velaí van:

Librería Selexzy Dominicaen en Maastrich (Holanda), unha antiga igrexa do s.XII. Vídeo.

El Ateneo en Buenos Aires. Un antigo teatro convertido na sede dunha das editoras máis tradicionais de Arxentina. Vídeo.

Livraria Lello en Porto. Fundada en 1869.

The Secret Headquarters, en Los Ángeles, especializada en cómics, segundo os entendidos, a mellor do planeta.

5ª Borders en Glasgow. Edificio deseñado para o Royal Bank no s. XIX.

Scarthin Books en Inglaterra, pequena, acolledora e confortable como unha casa, pura literatura.

Posada Art Books en Bruxelas. Como pasear por un museo.

El Péndulo en México. Unha “cafebrería” con árbores no seu interior, é como unha librería no medio da selva.

Keibunsya en Kyoto. No medio dun caos impera a harmonía oriental.

10ª Hatchards en Londres. Todo un mito, a máis antiga de todo o Reino Unido, inaugurada en 1797.

Hai quen discrepa con esta clasificación e con que non se inclúa Atlantis Books en Santorini.

Tamén facilitamos unha presentación con 65 Bibliotecas en todo o mundo que ben merecerían unha visita.

Hai bastantes anos visitamos unha vila histórica en Inglaterra onde todas as casas eran agora librarías especializadas, vemos que esa idea tamén callou en España e Ureña é a primeira vila-libraría, con 200 habitantes e 10 librarías. Semellante a Fjaerland, un pobo librería entre glaciares, referente no turismo literario en Noruega, con 400 habitantes e 12 librarías. Non damos ideas.

Visita ao XI Salón do Libro de Pontevedra

In InformArte on 11/02/2010 at 02:09

Salientamos o compromiso dos centros educativos da zona co Salón do Libro de Pontevedra, os traballos desenvolvidos polos escolares arredor do proxecto da cidade de Pontevedra son dunha calidade extraordinaria. Sen ánimo de ser exhaustivas, chamaron a nosa atención:

-A ambientación dos espazos “A cidade baixo terra” (ata ulía a cloaca) e “A cidade de noite”, realizada polo alumnado da ETL Paspallás.

-O proxecto do CRA de Vilaboa sobre os servizos que a cidade ofrece á comunidade.

-A espectacularidade da presentación a modo de quebracabezas do traballo do CEIP Vilaverde Mourente, “A cidade é un quebracabezas”.

-O colorido das ilustracións do libro presentado polo CPI do Toural, “A cor da cidade”.

-O proxecto sobre a sostibilidade do CEIP Manuel Cordo Boullosa, “A cidade sostible”.

-A compoñente afectiva, os vínculos que se establecen entre os cidadáns e os distintos recunchos da cidade de Pontevedra en “Saímos”, realizado por alumnado da ESO do IES Sánchez Cantón, así como unha minuciosa maqueta de lugares emblemáticos.

-Os proxectos desenvolvidos nos distintos niveis da EEI Concepción Crespo Rivas, entre eles: “Imos mercar”, “Onde vivimos”, “A cidade do futuro”, “Pasámolo ben”, “In my city you can see”, “Se fose alcalde ou alcaldesa”.

-A voz dos rapaces e rapazas do CEIP Amor Ruibal dicindo o que lle piden á cidade.

Consideramos que sería do interese de moitos e moitas docentes a publicación dos proxectos educativos que deron pé ao alí exposto.

O texto teatral nas aulas de educación infantil

In ActualizArte on 31/01/2010 at 11:34


En febreiro de 2009, a editorial Graó publicou Experiencias escolares con la lectura y la escritura, de autoría compartida. No web da editorial pódese acceder a partes dos distintos capítulos do libro. Salientamos o capítulo “El texto teatral en las aulas de educación infantil” (pax. 33-55) da mestra Teresa Neira que desenvolveu a experiencia no CEIP Alexandre Rodríguez Cadarso de Noia, (aínda que no libro está errado e aparece IES Gaspar Melchor de Jovellanos). Exponse como nenos e nenas de cinco anos acadan un maior coñecemento dos textos teatrais reflexionando sobre as súas propiedades e como escriben o seu propio texto teatral, ao tempo que avanzan no coñecemento das propiedades do sistema de escritura.

Vista previa.