A nosa achega á educación infantil

Posts Tagged ‘blogs’

Blogosfera 2010

In TICArte on 11/05/2010 at 10:46

Encántanos isto de non dar co perfil!

Vén de publicarse o “Informe do estado da blogosfera hispana. Bitacoras.com 2010”, (resumo), onde se fai unha análise polo miúdo dos blogs máis populares do mundo hispano. Agora que nos estamos iniciando neste mundo, prestamos atención aos seguintes datos:

En España hai 218.285 blogs e 158.178 bloggers.

38.088 blogs publicaron nos últimos 6 meses.

6.3374 blogs publicaron nas últimas 24 horas.

635 blogs publicaron na última hora (nós).

No apartado de segmentación temática,- e en contra do que pensábamos, as temáticas máis usadas son noticias/actualidade (34%), televisión/vídeo, internet e música, nese orde. As menos usadas, é cunha diferenza abismal con respecto ás primeiras, eróticos, de emprego e educativos. Os de viaxes duplican aos de educación, e os de humor triplícannos, isto dá para pensar un pouco, non?

Blogs en infantil

In ActualizArte,TICArte on 05/05/2010 at 23:01

No nº 401 de Cuadernos de Pedagogía, publícase o artigo “Trabajo por proyectos y blogs, una sintonía perfecta“, no que se expón como o uso de blogs con nenos e nenas de infantil axuda a traballar, entre outras, a competencia lingüística, xa que lles permite escribir, falar e comunicarse coas súas familias. Sabemos que a experiencia non é posible en todos os contextos porque non todas as familias teñen acceso á rede, pero en calquera caso é unha excelente maneira de ir rexistrando o traballado ao longo do curso. Deste modo, eles tamén coidan máis as súas producións e, sen dúbida, é un xeito de que o uso das TIC na aula teña unha finalidade máis alá do lúdico ou do simple entretemento.

Ben, un paso máis na alfabetización dixital do noso alumnado. Vemos moitos blogs de aula moi interesantes, tamén moitos que, desafortunadamente, cumpren coa sentenza de “novas tecnoloxías para vellas pedagoxías”.