Como resposta á nosa petición de ideas para escribir con lapis primos, unha familia enviounos unha mensaxe escrita con tinta invisible, e aí desatouse un xogo que nos levou á procura de sistemas de escritura para segredos.
Cada día imos experimentando cun diferente.
Con zume de limón que logo precisa da calor para poder lelo.
Calcando forte para logo descubrilo sombreando cun lapis.
Con cera que logo precisa dunha capa de acuarela.
Con bicarbonato ou con leite para aplicarlle logo calor.
Con todo isto non pretendemos máis ca coñecer formas de escrita e espertar as ganas de escribir por puro pracer.
InnovArte Educación Infantil 